Игътибар! «Тукай чордашлары: хатын-кыз булу» перфомансына опен-колл! Jadidfest кысаларында Тукай чорында яшәгән татар хатын-кызларының тормышын өйрәнергә чакырабыз. Тарихта калган хатын-кызлар кемнәр ул? Каһарманбикәләр, мәгърифәтчеләр, үз өлкәләрендә беренчеләр, яисә үз теләкләре, көндәлек мәшәкатьләре, хыяллары һәм каршылыклары булган гади кешеләрме? Опен-колл аша җыелган катнашучылар Тукай чордашлары булган хатын-кызларның биографияләрен өйрәнәчәк, архивларда һәм язма чыганакларда эзләнәчәк, аларның тормышы турында нәрсә билгеле булуын һәм нәрсәләрнең әле дә билгесез калуын тикшерәчәк. Кемнәр катнаша ала: 18 яшьтән өлкән булган татар телен белгән татар тарихы белән кызыксынган хатын-кызлар. Гаризалар 20 октябрьдән 1 ноябрьгә кадәр кабул ителә. Катнашучыларга өйрәнү өчен хатын-кызлар исемлегеннән геройлар шобага ярдәмендә таратылачак. Тикшеренү барышында чыганаклар белән эшләү һәм үз геройларының тормышын өйрәнү өчен ярдәм күрсәтеләчәк. Безнең максат — тарихтагы бушлыкларны уйдырмалар белән тутыру түгел, ә сакланып калган эзләр аша бу хатын-кызларны яхшырак аңларга тырышу. Бикәләребзне Тукайчордашлары булганнары өчен түгел, үзләре булганнары өчен өйрәнәбез. Катнашырга теләсәгез, гаризаны тутырыгыз: https://forms.gle/TZaj9f7HYZQnZW4j6 Сораулар буенча: Алсу