Шәриф Камал премиясе: 2026 елда нинди яңалыклар көтелә? Яңа номинацияләр һәм юнәлешләр — үз иҗатыңны күрсәтү, татар әдәбиятын яңа форматларда тәкъдим итү һәм аны башка телләрдә дә яңгырату өчен мөмкинлек. Быел премиядә берничә яңалык бар: 🎭 Яңа номинация — драматургия Мәктәп яшендәге балалар өчен татар телендә язылган пьесалар иҗат итүчеләр үз эшләрен тәкъдим итә алачак. 💬 Комикслар номинациясе дәвам итә Узган ел комикслар зур кызыксыну уятты. Шуңа күрә бу юнәлешне быел да саклап калабыз. Комикс яшүсмерләр өчен иҗат ителгән булырга тиеш; сюжеты әдәби әсәр яки әкият нигезендә корылган булырга да мөмкин. ⛲️ Тәрҗемә номинациясендә — Идел буе халыклары телләре Быел тәрҗемә юнәлешендә Идел буе халыклары телләренә тәрҗемә ителгән әсәрләрне тәкъдим итәргә мөмкин. Шәриф Камал премиясенә гаризалар 1 декабрьгә кадәр кабул ителә. ✨ Тулырак мәгълүмат: yort.tatar/award