📊ҚАЗАҚСТАНДА СТАТИСТИКА КҮНІ НЕЛІКТЕН 8 ҚАРАШАДА АТАП ӨТІЛЕДІ? ▫️8 қараша – өмірін мемлекеттік статистика саласымен байланыстырған барша маман үшін ерекше күн. Дәл осы күні, 1920 жылы Қазақстанның бірыңғай статистика жүйесінің тарихы бастау алды. ▫️Оған дейін статистикалық деректерді жекелеген облыстық комитеттер – Орал, Семей, Ақмола және Торғай комитеттері жинаған болатын. Алайда бұл жұмысты бүкіл республика деңгейінде үйлестіретін бірыңғай орталық болған жоқ. ▫️Бәрі 1920 жылғы 8 қарашада өзгерді. Қазақ АКСР-інің Үкіметі «Қазақ АКСР-індегі мемлекеттік статистика туралы ережені» бекітіп, Статистика басқармасын құрды. Бұл республикадағы мемлекеттік статистиканың алғашқы орталық органы болды. ✅Осылайша Қазақстанның ұлттық статистикасының тарихы басталды. ▫️1998 жылы 8 қараша ресми түрде кәсіби мереке болып белгіленді. Содан бері бұл күні ел дамуының нақты көрінісін қалыптастыруға өлшеусіз үлес қосып жүрген статистика саласының мамандарына құрмет көрсетеміз. ⬇️⬇️⬇️