Қазақстан статистикасы қалай дамиды? Бұл туралы ҚР СЖРА Ұлттық статистика бюросының басшысы Мақсат Тұрлыбаев «Ұлттық статистика жүйелерін дамыту: халықаралық стандарттар мен технологиялық сын-қатерлер» атты панельдік сессия барысында айтты. Оның айтуынша, статистиканы дамыту әкімшілік және баламалы деректерді кеңінен пайдалану, процестерді автоматтандыру және жасанды интеллектіні қолдану арқылы жүзеге асады. Бизнес мемлекетке бір деректі бірнеше рет емес, бір рет қана ұсынуы тиіс. Ал ақпараттың сапасы дереккөзден бастап түпкі нәтижеге дейінгі бүкіл өмірлік циклі бойы бақыланады. Пайдаланушы тек деректерді ғана емес, дайын цифрлық өнімдерді – визуализация, талдау және ақпаратпен жұмыс істеуге арналған ыңғайлы құралдарды да алады. «Ең бастысы – бұл өзгерістердің барлығы өлшенетін болуы керек. Сондықтан трансформацияның әр бағыты бойынша нақты KPI, іске асыру мерзімі және жауапты тұлға белгіленуі тиіс», – деді Мақсат Тұрлыбаев.