Ұлттық статистика бюросы Ұлыбританияның ресми статистика сапасын басқару тәжірибесімен танысты ҚР СЖРА Ұлттық статистика бюросының өкілдері Ұлыбританияның Ұлттық статистика басқармасы (ONS) және Статистиканы реттеу басқармасына (OSR) жұмыс сапарымен барып, ресми статистиканың сапасын қамтамасыз ету, тәуелсіз реттеу, статистикалық өнімдердің стандарттарға сәйкестігін бағалау және баға статистикасын жаңғырту мәселелерін талқылады. Сапар барысында алынған тәжірибе сапаны бағалаудың қолданыстағы құралдарын одан әрі дамытуда, оның ішінде өзін-өзі бағалау, сапаны арттыру жөніндегі іс-шараларды жоспарлау, тәуекелдерді есепке алу және нәтижелерге кейінгі мониторинг жүргізу, сондай-ақ Қазақстан Республикасының Деректер сапасының ұлттық стандартын өзектендіру бағыттарында ескерілетін болады. Толығырақ оқу