Бюро сайтында жасанды интеллект негізінде жаңа аналитикалық чат-бот іске қосылды Қызмет көрсету сапасы мен пайдаланушылардың қанағаттану деңгейін арттыру мақсатында Ұлттық статистика бюросының сайтындағы Пайдаланушы кабинетінде ЖИ негізінде әзірленген статистикалық бизнес-тіркелім бойынша аналитикалық чат-бот тестілік режимде іске қосылды. Жаңа сервис пайдаланушылардың деректермен жұмыс істеу қолайлылығын арттыруға және интерактивті форматта жедел аналитикалық ақпарат ұсынуға арналған. Аналитикалық чат-боттың негізгі дереккөзі «Статистикалық бизнес-тіркелім» ақпараттық жүйесі (СБТ АЖ) болып табылады. СБТ АЖ-да Қазақстан Республикасы аумағында тіркелген заңды тұлғалар, филиалдар және шетелдік заңды тұлғалардың филиалдары, сондай-ақ жеке кәсіпкерлік субъектілері туралы мәліметтерді қамтиды. Толығырақ оқу