ОРОС, МОНГОЛЫН ХООРОНД ДИПЛОМАТ ХАРИЛЦАА ТОГТООСНЫ 105 ЖИЛИЙН ОЙД Монгол Улс дахь ОХУ-ын Элчин сайдын яаманд Орос, Монгол Улсын хооронд дипломат харилцаа тогтоосны 105 жилийн ойд зориулсан хүндэтгэлийн хүлээн авалт 2026 оны 11 дүгээр сарын 5-нд боллоо. Хүндэтгэлийн хүлээн авалтанд Монголын талаас УИХ-ын дэд дарга Ж.Бат-Эрдэнэ оролцов. ОХУ-аас Монгол Улсад суугаа Онц бөгөөд Бүрэн эрхт Элчин сайд А.Н.Евсиков зочдод мэндчилгээ дэвшүүлж хэлсэн үгэндээ хоёр талын хамтын ажиллагааны өнөөгийн нөхцөлд өмнөх үеийнхний бий болгож, өвлүүлэн үлдээсэн найрамдлын уламжлалыг ухаалгаар ашиглаж, улам бэхжүүлэхийн зэрэгцээ цаг үеийн шаардлагад нийцсэн шинэ агуулга, хэлбэрээр баяжуулах нь чухал болохыг онцлон тэмдэглэв.