🇷🇺 На 4 ноември, во Скопје, со поддршка на Амбасадата на Русија, Руската куќа во Белград и компанијата ЛУКОИЛ Македонија, се одржа прием на руските сонародници по повод Денот на народното единство. Меѓу гостите на настанот беа колеги од дипломатскиот кор, свештеници, бизнисмени, научници и културни дејци, новинари и бројни руски сонародници. Амбасадорот на Русија Дмитриј Зиков одржа говор во кој зборуваше за историјата и значењето на празникот и ја нагласи улогата на сонародниците во одржувањето на пријателството меѓу рускиот и македонскиот народ. Во свечена атмосфера, на активните членови на Координативниот совет на организации на руски сонародници им беа врачени благодарници од Владината комисија за сонародници во странство. Се одржа свечен концерт. На гостите на вечерта им беше претставена изложбата на Руското географско друштво „Русија во лица: Единство во различноста“.