Амбасада на Русија 🇷🇺🇲🇰 ✔

🌟 На 28 октомври се одбележува 82-годишнината од ослободувањето на целата територија на Украинската ССР од германско-фашистичките окупатори. Ослободувањето на Советска Украина беше овозможено благодарение на победоносното завршување на Источнокарпатската стратегиска операција на Црвената армија. На тоа му претходеше ослободувањето на западните области на Украинската ССР, каде што, заедно со хитлеровците, беа целосно поразени и бандеровците од 14. украинска пешадиска дивизија на СС „Галичина“. 🕯 Во борбите за Украинската ССР приближно 2,6 милиони советски војници беа убиени или тешко ранети. Хитлеровските џелати, според различни проценки, усмртија до 10 милиони цивили, а 2,5 милиони луѓе беа одведени во ропство. Беа уништени повеќе од 700 градови и населби и околу 28 илјади села. Окупаторите ограбија и разурнаа десетици илјади здравствени, образовни и културни установи, индустриски претпријатија и колективни земјоделски стопанства. *** Истите методи. Истата идеологија. Денешниот киевски неонацистички режим се обидува да го осквернави светиот спомен на хероите-ослободители. Тоа се прави на неколку начини: ◾️ уништување на историското сеќавање, ◾️ дрско фалсификување на историските факти и дискредитирање на подвигот на хероите од Црвената армија, ◾️ варварско уривање на монументи и споменици, ◾️ историски ревизионизам преку величење на нацистичките соработници, како Бандера, Шухевич и нивните следбеници, чии раце се до лакти во крвта на беспомошни жени, стари лица и деца. ❗️ Фашистите, нацистите и колаборационистите не предвидуваа никаква самостојна иднина за Украинската ССР и нејзиното население. Таканаречената украинска национална идеја беше „спакувана во обвивката“ на озлогласениот „Акт за прогласување на украинската држава“, кој заменикот на Бандера, Јарослав Стецко, го прочита од балконот на плоштадот пред градскиот совет во Лавов. Во овој акт беше поставена 👉 целта заедно со хитлеровците да се воспостави „нов поредок во Европа и светот“. Токму врз основа на таквите „херои“ денес во Украина се обидуваат да изградат национален идентитет и држава. Со нивните имиња се именуваат улици и плоштади во градовите каде што тие, заедно со нацистите, масовно го истребувале цивилното население – сопствените сонародници. Денешните западни маjстори на марионети во Киев дејствуваат со истите методи: украинската национална идеја се користи за поттикнување на неонацистичките расположенија и за борба против Русија, со цел наметнување „поредок заснован на правила“, во кој на нашите народи им е наменета улогата на второстепени и потчинети субјекти во западноцентричниот модел на светот.