Амбасада на Русија 🇷🇺🇲🇰 ✔

🇷🇺🇻🇦📞 Се одржа телефонски разговор меѓу Претседателот на Русија Владимир Путин и Папата Лав XIV. Упатувајќи му на Понтификот искрени желби за добро здравје и брзо закрепнување по неодамнешната операција, Владимир Путин jа истакна важноста на руско-ватиканската соработка во унапредувањето на заедничките духовни и морални вредности, како и во заштитата на христијаните и христијанските светилишта во различни региони во светот. Од двете страни беше нагласен интересот за продолжување на дијалогот меѓу Руската православна и Римокатоличката црква. При размената на мислења за ситуацијата околу Украина, Владимир Путин му се заблагодари на Папата за подготвеноста да придонесе кон решавањето на конфликтот и за напорите што ги презема на хуманитарен план. Во врска со загриженоста што Понтификот ја изрази за судбината на цивилното население во рускиот град Алешки во Херсонската област, беа дадени исцрпни појаснувања за одговорноста на киевскиот режим за тешка хуманитарна состојба што се создаде таму. Беше поддржана намерата на Ватикан да придонесе кон создавање услови за обезбедување на безбедноста на населението во градот и за организирање на витални испораки. Беше договорено заемно дејствување во таа насока. Разговорот се одвиваше во конструктивен дух и во атмосфера на заемно почитување.