БРЕСТ-ОД-300 құрылысында машина залының жабдығы орнатылды Северскіде БРЕСТ-ОД-300 инновациялық реакторы бар энергоблок алаңында екі сепаратор-бу қыздырғыш жобалық орнына қойылды. Олардың әрқайсысының биіктігі 16 метр, салмағы 95 тонна. Сепаратор-бу қыздырғыш турбинаның төмен қысымды цилиндріне бу дайындайды: ол турбина қалақшаларын су тамшыларынан болатын эрозиядан қорғап, бүкіл бу-турбиналық қондырғының ПӘК-ін арттырады. 2026 жылдың соңына дейін турбоагрегаттың іргетасын салуды аяқтап, турбинаны монтаждауға кірісу жоспарланған. Қуаты 300 МВт БРЕСТ-ОД-300 – қорғасын жылу тасымалдағышы бар, жылдам нейтрондардағы әлемдегі алғашқы энергетикалық реактор. Ол ядролық отын циклін тұйықтауға және пайдаланылған отынды бірнеше рет қолдануға бағытталған «Прорыв» жобасы аясында салынып жатыр.