«Росатом» экологиялық және қоғамға пайдалы жобалардың халықаралық гранттық конкурсына өтінім қабылдауды бастады «Росатом» мемлекеттік корпорациясы экологиялық және қоғамға пайдалы жобаларды гранттық қолдау конкурсына өтінім қабылдауда. 2026 жылы конкурсқа Қазақстан, Қырғызстан, Өзбекстан, сондай-ақ Бангладеш, Венгрия, Үндістан және Түркия ұйымдары қатыса алады. Өтінімдер он бағыт бойынша қабылданады. Олардың қатарында жастарды қоғамға пайдалы бастамаларға тарту, әлеуметтік осал топтар мен КЕҰ-ларды қолдау, экология, еріктілік, жануарларға көмек, спорт, әлеуметтік жобаларға арналған цифрлық шешімдер, абаттандыру және мәдениет бар. Биыл «Арктика: инновациялар мен тұрақты даму аумағы» арнайы номинациясы енгізілді, оған географиялық шектеу қойылмаған. Номинация Арктиканың экономикадағы, ғылымдағы және халықаралық ынтымақтастықтағы рөліне арналған білім беру, ағарту және жастар жобаларын қолдайды. Өтінімдер 2026 жылғы 1 қарашаға дейін қабылданады. Үздік жобалар гранттық қаржыландыру алады, ал іске асыру кезеңінде оларға сарапшылар қолдау көрсетеді. Конкурс қорытындысы 2027 жылғы қаңтарда жарияланады. Конкурс үшінші жыл қатарынан өткізіліп отыр. 2025 жылы 34 жоба жеңімпаз атанды, олардың арасында Қазақстан, Қырғызстан және Өзбекстан жобалары бар. Конкурс ұйымдастырушылары: «Энергия развития» АКЕҰ («Росатом» мемлекеттік корпорациясы) және Е. М. Примаков атындағы Сыртқы саяси ынтымақтастық орталығы. Толық ақпарат пен конкурс ережесі: https://atom-grant.org/