Әлемдегі алғашқы қалқымалы АЭС экспорттық жобасы — Индонезияда Росатом мен индонезиялық PT Pembangkit Listrik Nuklir компаниясы ПЭБ-100 екі қалқымалы атомдық энергоблогынан электр энергиясын жеткізу туралы келісті. Олар Солтүстік Малуку аймағындағы Хальмахера аралының солтүстігін электр энергиясымен қамтамасыз етеді. ПЭБ-тің «жүрегі» жылы климатта пайдалануға бейімделген РИТМ-200М реакторлық қондырғылары болады. Алғашқы мегаваттар келісімшарттың негізгі талаптары күшіне енгеннен кейін шамамен бес жылдан соң өндіріледі. «”Росатом" мен Индонезия арасындағы ынтымақтастық өте қарқынды дамып келеді. Президент Прабово Субиантомен жақында өткен кездесуіміз осы ең ірі аралдық мемлекеттің энергетикалық қауіпсіздікті нығайтуға және көміртекті бейтараптыққа қол жеткізуге дәйекті түрде ұмтылып отырғанын растады. Жаңа келісім осы бағыттағы аса маңызды қадам. "Росатом" әлемдік нарықтағы ең заманауи әрі референтті шешімдерді ұсынуға дайын. Бұл ретте біз тек электр энергиясын жеткізуді емес, ұзақ мерзімді серіктестік құруды талқылап отырмыз. Бұл қалқымалы атомдық энергоблоктан электр энергиясын жеткізу жөніндегі әлемдегі алғашқы экспорттық келісім екенін атап өткім келеді. Ол әлемдік бизнес-қауымдастық үшін мемлекеттің жүйелі қолдауымен жеке бизнестің ел экономикасын өзгертуге қабілетті атом энергетикасындағы ауқымды инфрақұрылымдық жобаларды бастай алатынының жарқын үлгісі болатынына сенімдімін», — деп атап өтті «Росатом» мемлекеттік корпорациясының бас директоры Алексей Лихачев. Жоба B2B форматында жеке инвестициялар есебінен, Индонезияның мемлекеттік бюджетін тартпай жүзеге асырылады. Ел үшін бұл кеңірек атом бағдарламасының бір бөлігі. Бірінші кезеңде Росатом шағын қуатты қалқымалы энергоблоктарды ұсынады, ал болашақта ірі қуатты жерүсті АЭС-терін салу да қарастырылуда.