«Росатом» Третьяков галереясының Алматыдағы көрмесіне қолдау көрсетті 8 қазанда Әбілхан Қастеев атындағы ҚР Ұлттық өнер музейінде «Дәуір мұрасы. Третьяков галереясы қорындағы XX ғасыр өнері» көрмесі ашылды. Екі жетекші музейдің бірлескен жобасы «Росатомның» және көрменің бас серіктесі – «Самұрық-Қазына» ұлттық әл-ауқат қорының қолдауымен жүзеге асты. Экспозицияға 1917–1980 жылдары жасалған 30 туынды енді. Олардың арасында Рылов, Кустодиев, Петров-Водкин, Дейнека, Кончаловский, Машков, Попков, Жилинский, Яблонская сынды шеберлердің еңбектері бар. Атап айтқанда, Рыловтың «Көгілдір кеңістікте», Петров-Водкиннің «Комиссардың қазасы», Дейнеканың «Шаңғышылар», Кукрыниксылардың «Германияның капитуляциясы» және Ефановтың «Фестивальде» атты картиналары қойылған. «“Росатом” үшін Қазақстанмен серіктестік – басты назарда адамдар тұратын ұзақ мерзімді бірлескен жұмыс. Атом энергетикасы саласындағы ынтымақтастықты дамыта отырып, елдеріміз арасындағы мәдени байланыстарды да қолдауды маңызды деп санаймыз. “Дәуір мұрасы” көрмесіне қолдау көрсету – осы бағыттағы қадамдардың бірі. Бұл жоба музейлер арасындағы ынтымақтастықтың одан әрі жалғасуына және көрермендерді екі елдің өнерімен таныстыратын жаңа көрмелердің ұйымдастырылуына негіз болады деп үміттенеміз», – деді «Росатом» мемлекеттік корпорациясы бас директорының бірінші орынбасары – Даму және халықаралық бизнес блогының директоры Кирилл Комаров.