🎙«Դրսի պարտադրանքով՝ մեր ձեռքով հզորացնում ենք թշնամուն». «Աբովյան Time» պոդկաստի հեղինակ Արման Աբովյանի հետ զրույցում դիվանագետ, ատակարգ և լիազոր դեսպան Ձյունիկ Աղաջանյանը մեկնաբանում է՝ Ռուսաստանից մատակարարվող գազը ադրբեջանականով փոխարինելու առաջարկները Հայաստանի համար տնտեսապես շահավետ չեն և պարունակում են քաղաքական լուրջ ռիսկեր։ «Մեզ առաջարկում են Ռուսաստանի գազի փոխարեն ստանալ Ադրբեջանից։ Ադրբեջանից ի՞նչ գազ ենք մենք ստանալու՝ նույն ռուսական գազը, մի հատ էլ վճարելով Ադրբեջանին։ Այսինքն՝ Ադրբեջանին ուժեղացնում ենք, Ադրբեջանի բյուջեն համալրում ենք, կորցնում ենք Ռուսաստանից ուղիղ մատակարարման հնարավորությունը, և եթե այնտեղ Ռուսաստան-Վրաստան-Հայաստան տրանզիտը Վրաստանին էինք միայն վճարում, հիմա մի հատ էլ Ադրբեջանն է վրան ավելանում»,— նշել է դիվանագետը։ Ձյունիկ Աղաջանյանը նկատում է՝ նման քայլով Հայաստանն Ադրբեջանի ձեռքը լծակներ է տալիս իր դեմ պահանջներ կիրառելու համար, իսկ հայտարարված «էներգետիկ դիվերսիֆիկացիան» իրականում կեղծ է։ «Մեզ համար գնային առումով ավելի թանկ առաջարկ, գումարած՝ լծակ ենք տալիս մեր նկատմամբ թշնամաբար տրամադրված պետությանը՝ մեզ վրա գործիքակազմ և պահանջներ կիրառելու։ Մենք մեր ձեռքով մեր թշնամուն հզորացնում ենք թե՛ քաղաքականապես, որովհետև նա քաղաքականապես արդեն որոշակի կարևոր կշիռ է սկսում ստանալ, թե՛ տնտեսապես»։ Աղաջանյանը կարծում է՝ Հայաստանի իշխանությունները դրսի պարտադրանքով փորձում են հանրությանը ներկայացնել, թե այս գործընթացը տնտեսապես շահավետ է։ 🎦զրույցն ամբողջությամբ ♥️@RadioSputnikArm | 🔴🔴 106.0FM