«Շրջապատված կեղծարարներով և պարտվելով ինֆորմացիոն պատերազմում՝ մենք իրավունք չունենք ապրելու առանց մշակութային ու գաղափարական առանցքի»։ «Ուրիշ նորություններում» գրող, դերասան, լրագրող և նախագծերի ղեղինակ Ռուբեն Փաշինյանը ներկայացրել է իր «Արուջի» մոնոպիեսը, որը վերջերս Ռուսաստանում արժանացել է «Ռուսիայի ոսկե գրիչ» («Золотое перо Руси») հեղինակավոր ազգային գրական մրցանակաբաշխության «Ոսկե բու» («Золотая сова») գլխավոր մրցանակին՝ «Ամենախելացի ստեղծագործություն» անվանակարգում: ««Արուջի» մոնոպիեսի հիմքում ընկած է պատմական իրական փաստ․ 1899 թվականին ռուս հայտնի փաստաբան Նիկոլայ Կարաբչևսկին դատարանում պաշտպանում և արդարացնում է Բայբուրթի ջարդերի ժամանակ ընտանիքը կորցրած հայ վրիժառու Կիրկոր Գուլգուլյանին։ Պիեսի ամենացնցող հանգույցն այն է, որ Կարաբչևսկու պապը եղել է թուրք ռազմագերի, և ինքը՝ փաստաբանը, բացականչում է․ «Ես՝ ռուս փաստաբանս, թուրք Կարապչիի թոռս, իմ պարտքը Օրենքի առջև կատարեցի և արդարացրեցի հային՝ թուրքին սպանելու համար»։ Հեղինակը նկատում է՝ Ռուսաստանի «Золотое пеրо Руси» մրցանակաբաշխությունում խոսում են Կարաբչևսկու թեմայի մասին, դա արդեն մեծ լսարան ու ամբիոն է․ մարդիկ կարդում են, հետաքրքրվում, գնում այն ուղիներով, որոնք ինձ պետք են: Խոսելով մշակութային քաղաքականության և այսօրվա իրականության մասին՝ Փաշինյանը մեկնաբանում է՝ այն, ինչ կատարվում է մեր մշակութային դաշտում, ցույց է տալիս, որ մենք այսօր չունենք մշակութային գաղափարաբանական առանցք: 🎦զրույցն ամբողջությամբ ♥️@RadioSputnikArm | 🔴🔴 106.0FM