🌀 🦃🦆🪿 "Хаһыс да сылбытын маҕаһыынтан куурусса этин атыыласпаппыт,"- диир Ытык Күөл олохтооҕо Алексей Уваров. Кини төрдүс сылын индюктары, куһу-хааһы, бройлер кууруссалары иитэр. Саас эрдэттэн сымыыт үлэһэн, инкубаторга көрөн- истэн таһаарар. 50-60 грамм ыйааһыннаах сымыыттан сүүнэ көтөргө диэри улаатан тахсар түһүмэхтэрин этэӈӈэ аһардан, индюктар муӈутаан 15-16, 2 ыйдаах бройлер кууруссалар 3 киилэҕэ диэри эти биэрэллэр. Алексей Митрофанович быйыл сайын 120 көтөрү сайылатта. "Индюк этин араастаан астыахха сөп. Этэ диетическэй. Тыһытын этэ наһаа минньигэс буолар эбит. Бэйэ көрөн, аһатан, хараҕын далыгар ииппит көтөрүн этэ амтанныын, сыттыын -сымардыын ураты. Билиӈӈиттэн туттан саҕалаан, амсайан эрэбит. Кыһыннары куоратынан -тыанан оҕолорбутун бэйэбит ииппит индюкпут, кууруссабыт, хааспыт этинэн хааччыйабыт, "- диир Алексей Уваров. @taattagazeta @ulusmedia