«Бастакылар хамсааһыннара» тэриллии такайааччыларын өрөспүүбүлүкэтээҕи слётун кыттыылаахтарын эҕэрдэлээтим. Тэрээһиҥҥэ Сахабыт сирин бары улуустарыттан 150-тан тахса такайааччы уопут атастаһаары, оҕолору, ыччаты иитиигэ саҥа идиэйэлэри, аныгы ньымалары дьүүллэһээри муһунна. Биһиги министиэристибэбитигэр ыччаты иитии-такайыы үлэбит биир тутаах хайысхатынан буолар. Такайааччы эдэр киһиэхэ бастакы хардыылары оҥорорго, бэйэтигэр итэҕэйэргэ уонна бэйэтин суолун буларыгар көмөлөһөр. Билиини, уопуту эрэ биэрбэккэ, сөптөөх өйдөбүллэри, сыаннастары үөскэтэр. Биһиги сорукпут — маннык өйөбүлү өрөспүүбүлүкэ бары оройуоннарыгар эдэр дьоҥҥо табыгастаах оҥоруу. Биир дойдулаахпыт, Россия Дьоруойа, Россия Үөрэҕин министиэристибэтин иитиигэ, эбии үөрэхтээһиҥҥэ уонна оҕо сынньалаҥын тэрийиигэ судаарыстыбаннай политика департаменын дириэктэрэ Игорь Васильевич Юргин слет кыттыылаахтарын тус бэйэтинэн эҕэрдэлии кэлбитэ улахан суолталаах. Тэрээһин «Патриот» кииҥҥэ ыытыллыбыта икки бүк үрдүк суолталаах буолла. Хаһан эрэ Игорь Васильевичтыын бу киини тэрийии саҕаланыытыгар турбуппут. Бу көҕүлээһин оҕо, ыччат идиэйэлэрин сайыннарар, айар дьоҕурдарын олоххо киллэрэр аныгы былаһааккаҕа кубулуйбутун көрөр олус үчүгэй. Түмүккэ саҥа такайааччылары анааһын уонна өрөспүүбүлүкэҕэ оҕо хамсааһынын сайдыытыгар кылааттарын киллэрбит исписэлиистэри наҕараадалааһын буолла. Үлэҕит иһин бары такайааччыларга махталбын тиэрдэбин! «Оҕолор оннуларыгар буолбакка, оҕолору кытары бииргэ оҥоробут», — диэн «Бастакылар хамсааһыннарын» ыҥырыыта баар. Бу кылгас этиигэ «Бастакылар хамсааһыннарын» күүһэ. https://max.ru/channel_PetrShamaev