Замечательный подписчик @pryanayayakutia: Бүгүн Дьокуускай куорат киинигэр СӨ ыччатын миниистирин Петр Шамаевы кытта Саха сирин улуустарын актыбыыстара (землячестволар) көрүстүлэр. Мин быыбар ахсын маннык аһаҕас көрсүһүүлэргэ сылдьа сатыыбын, кандидаты илэ харахпынан көрөн, кини хайдах киһитин чинчийэрбин ордоробун. Бу көрсүһүү быыбарга сыһыана суох да буоллар мустубут дьон Петры өйүүллэрин биллэрдилэр. Кэпсэтиигэ сүрүннээн учууталлар, ыччаттар мустубуттар. Петр Шамаев ыччат миниистирэ буолан ыччат бэлиитикэтин сайдыытыгар туох үлэ барарын, туох көмө оҥоһулларын, граннары хайдах ылары, волонтерство туһунан уо.д.а кэпсээтэ. Уонна оттон бэйэтэ СВО кыттыылааҕа буолан ити тиэмэҕэ дьон интэриэһиргиир, наадыйар ыйытыктарыгар хоруйдаата. Мин сэргии истибитим диэн кини тыа сирэ сайдарыгар баҕалааҕа көстөр, ыччаты тыа сиригэр олохтуурга үгүс үлэ ыытыллыахтаах диир. Бэйэтэ ынах-сүөһү иитиитинэн дьарыктанар дьиэ-кэргэҥҥэ төрөөбүт буолан кыра эрдэхпиттэн туох да үлэттэн толлубат гына улааппытым диир, билигин бэйэтин уолун эмиэ үлэҕэ сыһыаран иитэр эбит, алта саастаах уолум билигин оттуу сылдьар диэн кэпсээтэ. Уопсайынан, ыччаты үлэҕэ сыһыарыахха наада, онно анаан Ыччат десана улуустарынан сылдьан дьоҥҥо көмөлөһөр эбит. Петр Витальевич билиҥҥи ыччат үлэттэн куттаммат, сатаабат да буоллаҕына көрдөрдөххө барытын ылсан үлэлиир диэн астына кэпсээтэ. Сүрүн санаата – түмсүүгэ эбит. Түмсүүлээх буоллахпытына барытын кыайыахпыт, сатыахпыт диэн. Миниистир буолар миэхэ, боростуой тыа ыччатыгар, чиэс-бочуот буолар, онон туох баар күүспүнэн үлэлии сатыыбын диир. Кырдьык, Петр Шамаев саха сэмэй эр бэрдэ диэн бэлиэтии көрдүм. Бардам, улаатымсык майгыта суох. Ону мустубут да дьон иннэ диэн үөрэ-көтө тарҕаста. Уопсайынан көрсүһүү истиҥник ааста, мунньах курдук буолбакка, биир санаалаах дьон мустан ирэ-хоро кэпсэтэн тарҕастылар. Түмүккэ этиэм этэ, Петр Витальевич Шамаев үлэлиир кыахтаах, сырдык санаалаах, дьиҥ лидер хаачыстыбалаах эдэр киһи быыбарга туруммут эбит диэн санааҕа кэллим.