Ынтымак Ордо 🇰🇬

@president_of_kr · news · Kazakh · active

Subscribers 14.8K Subscribers, last 30 days: 14.9K → 14.8K −100 24h · −100 7d
Reach per post (ERR) 7.6%1.1K avg views
Posting 11.1/day last 12 hours ago
Reactions per 1K views 0.0
edited

Президент Садыр Жапаров Анкарада Түрк мамлекеттеринин цивилизациясы паркына барды Кыргыз Республикасынын Президенти Садыр Жапаров бүгүн, 29-октябрда, Анкара шаарында өткөн Түрк мамлекеттер уюмунун (ТМУ) 13-саммитинин алкагында “Бештепе” Түрк мамлекеттеринин цивилизациясы паркына барды. Иш-чарага Түрк мамлекеттер уюмуна (ТМУ) мүчө өлкөлөрдүн лидерлери катышты. Мамлекет башчылары ТМУга мүчө өлкөлөр тарабынан орнотулган искусство чыгармалары жана улуттук объектилер менен таанышты. Экспозициялар салттуу маданияттын байлыгын, улуттук турмуш-тиричиликтин өзгөчөлүктөрүн жана түрк элдеринин тарыхый мурасын чагылдырып, ар бир өлкөнүн өзгөчөлүгүн жана маданий көп түрдүүлүгүн көрсөтөт. Белгилей кетсек, Кыргыз Республикасынын атынан “Бештепе” президенттик паркында “Мураскер” скульптурасы орнотулган. Скульптура атасынын ишин – бүркүт менен аңчылык кылуу байыркы өнөрүн уланткан жаш мергенчинин образын ачып берет. Композицияда көчмөндөр салтынын негизги элементтери айкалышкан: бүркүт – руханий бийиктиктин жана эркиндиктин символу, тайган – талаа мергенчисинин ишенимдүү шериги, ал эми жаа — чеберчиликтин жана ички токтоолуктун белгиси. Аллеяны көрүп чыккандан кийин делегациялардын башчылары жубайлары менен биргеликте сүрөткө түшүштү. Андан соң лидерлер бак отургузуу аземине катышышты. Иш-чаранын соңунда Малазгирт искусство борборунда президенттерге ТМУга мүчө өлкөлөрдүн улуттук маданий салттарын чагылдырган концерттик программа тартууланды.

Views over time

05001K1.5K29 Oct 16:5411 Nov 05:031.5K29 Oct 16:54: 0 views11 Nov 05:03: 1,500 views
Snapshots we took after posting.
WhenViews
29 Oct 2026, 16:540
11 Nov 2026, 05:031.5K

Who shared this post

Posts in other channels we index that link to this one. (Forwards with a hidden source can't be traced.)

Nobody yet.