МОЛИТВА В ДЕНЬ ЦЕРКОВНОГО НОВОЛЕТИЯ. Владыко Господи Боже наш, источник жизни и безсмертия, всея́ твари видимыя и невидимыя Соде́телю, времена и ле́та во Своей власти положи́вый, и управля́яй вся́ческая премудрым и всеблагим Твоим Промыслом. Благодарим о щедротах Твоих, я́же удивил еси́ на нас в мимошедшее время живота нашего, молим Тя, всещедрый Господи! Благослови венец наступающаго ле́та, Твоею бла́гостию: сохрани возлюбленных рабов Твоих (имена) и всех православных христиан. Умножи дни живота их в непоколебимом здра́вии, и во всех добродетелех преуспе́яние им да́руй. Подаждь свыше блага́я Твоя и всем людем Твоим, здравие же, спасение и во всем благое поспешение. Церковь Твою святую, град сей (весь сию) и вся веси, гра́ды и страны́ христианские от всякаго злаго обстояния избави, мир и безмятежие тем да́руй: Тебе Безначальному Отцу со Единородным Твоим Сыном, Всесвятым и Животворящим Твоим Духом во Едином Существе славимому Богу, всегда благодарение приноси́ти, и пресвятое имя Твое воспевати да сподо́биши.