Літоўскія памежнікі перахапілі тры партыі беларускіх цыгарэт, дастаўленых паветранымі шарамі Грузы выяўленыя ў Шальчынінкскім, Лаздзійскім і Алітускім раёнах, да ўсіх былі прымацаваныя GPS-трэкеры. Усяго вынята 12.047 пачак цыгарэт NZ Gold і Minsk 5 Superslims з беларускімі акцызнымі маркамі. Іх кошт з улікам падаткаў перавышае 66 тыс. еўра. Таксама затрыманы 28-гадовы жыхар Тракайскага раёна, які, як мяркуецца, прыехаў забраць адзін з грузаў. У дачыненні да яго пачата дасудовае расследаванне. ☝️З пачатку 2026 года літоўскія памежнікі перахапілі 193 партыі цыгарэт, дастаўленых з Беларусі паветранымі шарамі. За ўвесь 2025 год — 635, у 2024-м — 226, у 2023-м — тры. З пачатку года затрыманы 71 чалавек, меркавана звязаны з кантрабандай цыгарэт такім спосабам. ✅ Падрабязнасці 🗝 Без VPN 📷 САДМ Літвы