У Варшаве зачыняюцца беларускі "Дом творцаў" і шэлтар пры ім Пра гэта на сваёй старонцы ў "Фейсбуку" паведаміў аўтар праекта, музыкант і грамадскі дзеяч Сяргей Доўгушаў. "З 2021 года я займаўся дапамогай, сацыяльна-братэрскай дзейнасцю, і вось мой рэсурс скончыўся. Цяпер я хачу дапамагчы сабе, быць больш са сваёй сям'ёй і блізкімі", — напісаў Доўгушаў. Ён адзначыў, што аднайменны фонд "будзе існаваць далей разам з іншымі творчымі праектамі". Беларуская арт-рэзідэнцыя "Дом творцаў" адкрылася ў польскай сталіцы ў 2021 годзе для падтрымкі і пражывання дзеячаў культуры, якія апынуліся ў складанай сітуацыі. У снежні 2025 года пры праекце таксама запрацаваў шэлтар для вызваленых палітвязняў, сродкі на які збіралі праз данаты. ✅ Падрабязнасці 🗝 Без VPN 📷 Сяргей Доўгушаў, асабісты архіў