Добра ў Відзах-Лаўчынскіх не будзе: аднаўленне сядзібы Ваўжэцкіх аказалася чарговай грубай пераробкай Фатаграфіі, апублікаваныя даследчыцай Вольгай Лабачэўскай і былым старшынёй Таварыства аховы помнікаў Антонам Астаповічам, паказваюць, што работы рэстаўрацыі помніка мяжы XVIII—XIX стагоддзяў вядуцца метадамі звычайнага будаўнічага рамонту са знішчэннем аўтэнтычных элементаў. Частку драўляных сцен будынка замянілі кладкай з сучасных блокаў ячэістага бетону, а звонку фасады зашылі фанерай. Пацярпела і мураваная веранда з боку парку. Аўтэнтычныя каменныя прыступкі двухбаковых сходаў вывернулі і скінулі ў траву. Спецыялісты Беларускага інстытута "Спадчына" адзначаюць, што ў інтэр'ерах палаца без папярэдніх навуковых даследаванняў цалкам збілі гістарычную тынкоўку. 📷 Антон Астаповіч, Вольга Лабачэўская