У Варшаве праходзіць выстава “Беларусы з Украінай у сэрцы” З 31 кастрычніка па 12 лістапада ў Музеі вольнай Беларусі працуе выстава “Беларусы з Украінай у сэрцы”. Дэманструецца 21 карціна дзесяці беларускіх мастакоў, сярод якіх Алесь Пушкін (быў арыштаваны ў 2021 годзе, прызнаны палітвязнем, памёр у зняволенні ў 2023 годзе), Генадзя Драздова (былы палітзняволены), Алеся Цыркунова, Андрэя Такінданга, украінскага мастака Тараса Носара. Мастакі малявалі разбураныя будынкі, вайскоўцаў і добраахвотнікаў, фіксавалі паўсядзённасць людзей, чыё жыццё змяніла вайна. Выстава прысвечаная таксама байцам тактычнай групы “Беларусь”, якія загінулі, абараняючы Украіну ў 2015 годзе. ✅ Падрабязнасці 🗝 Без VPN 📷 Вераніка Л. адмыслова для "Позірку"