Латушка назваў "нелагічным" і "неадэкватным" візіт генсека АБСЕ ў Мінск і заклікаў яго падняць пытанне палітвязняў Кіраўнік Народнага антыкрызіснага ўпраўлення (НАУ) Павел Латушка так выказаўся пра будучы візіт у Мінск генеральнага сакратара АБСЕ Ферыдуна Сінірліёглу. Паводле палітыка, на фоне масавых рэпрэсій, утрымання палітвязняў за кратамі і падтрымкі беларускімі ўладамі расійскай агрэсіі супраць Украіны такая паездка выглядае недарэчнай. Латушка прызнаў, што дыпламаты павінны падтрымліваць камунікацыю, але адзначыў, што для гэтага існуе пляцоўка ў Вене, дзе знаходзіцца штаб-кватэра АБСЕ. Ён таксама накіраваў генсеку арганізацыі ліст з інфармацыяй пра колькасць палітвязняў у Беларусі. Генсек АБСЕ наведае Мінск 3–4 лістапада для ўдзелу ў IV Мінскай міжнароднай канферэнцыі па еўразійскай бяспецы. Паводле праваабарончага цэнтра "Вясна", на 2 лістапада ў Беларусі прызнаныя палітвязнямі 887 чалавек. ✅ Падрабязнасці 🗝 Без VPN 📷 Anadolu Ajansı