За незаконны вываз падсанкцыйных авіядэталяў у РФ суд у ЗША прыгаварыў грамадзянку Беларусі да года зняволення 34-гадовая грамадзянка Беларусі Яна Лявонава прыгавораная да “12 месяцаў і 1 дня пазбаўлення волі ў сувязі з незаконным экспартам з ЗША ў РФ шматлікіх кампанентаў авіяцыйнага электроннага абсталявання”, паведамляе пракуратура ЗША. Пасля адбыцця турэмнага тэрміну Лявонава, згодна з рашэннем суда, будзе дэпартаваная ў Беларусь. “Кожны, хто мае намер выкарыстоўваць амерыканскія ланцужкі паставак для падтрымкі варожых рэжымаў і падрыву нашай нацыянальнай бяспекі, мае зразумець: мы знойдзем вас, будзем пераследаваць вас па-за нашымі межамі і прыцягнем да адказнасці”, — заявіла федэральны пракурор Джанін Фэрыс Піра. ✅ Падрабязнасці 🗝 Без VPN 📷 (ілюстрацыйнае) William Hook / unsplash.com