Улады Кобрына заклікаюць не дапусціць папулярызацыі Хэлаўіна Яны нават выдалі цэлы ліст пад назвай "Пра святкаванне "Хэлаўіна". На думку Кобрынскага раённага выканаўчага камітэту, святкаваць тут няма чаго. "У цяперашні час у афіцыйным тлумачэнні свята ўспрымаецца як заігрыванне з цёмнымі сіламі, праслаўленне смерці і адыход ад хрысціянскай традыцыі, які прапагандуе агрэсію, асацыяльныя паводзіны дзяцей і моладзі і супярэчыць гістарычным, культурным і духоўным традыцыям беларускага народу", — сказана ў паведамленні. Дзеля недапушчэння папулярызацыі гэтага свята ўлады Кобрына рэкамендуюць устрымацца ад правядзення мерапрыемстваў адпаведнай тэматыкі з выкарыстаннем любой яго атрыбутыкі. Пад забарону патрапілі гарбузы, павуцінне, маскі на дзвярах, тэматычны стыль адзення. 📷 Крыніца - @virtualbrest