Актывісты намагаюцца ўратаваць унікальную савецкую мазаіку на прыпынку ў Рэчыцкім раёне У Гомельскай вобласці пад пагрозай зносу апынуўся мазаічны павільён у вёсцы Галоўкі Рэчыцкага раёна (аўтадарога М10). У сувязі з запланаванай рэканструкцыяй трасы прыпынак збіраюцца дэмантаваць у бліжэйшыя тыдні. Культурныя актывісты і даследчыкі архітэктуры (у тым ліку папулярны праект _belarusian_soviet_bus_stops_) звярнуліся да грамадскасці з заклікам аб дапамозе. Яны шукаюць рэстаўратараў, будаўнікоў ды спецыялістаў, якія маглі б акуратна зняць мазаічнае пано з казачным сюжэтам і захаваць яго ад знішчэння.