У парламенце Люксембурга заявілі пра падтрымку дэмакратычных памкненняў беларусаў Люксембург “адказны за падтрымку імкнення беларусаў да дэмакратычнай будучыні“. Пра гэта учора заявіў віцэ-спікер Палаты дэпутатаў Андрэ Баўлер падчас абмену думкамі паміж парламентарыямі і лідарам дэмакратычных сіл Беларусі Святланай Ціханоўскай. Як адзначае прэс-служба заканадаўчага органа, Люксембург падтрымлівае беларусаў, якія былі “вымушаныя пакінуць [сваю] краіну, і тых, хто імкнецца да дэмакратычнай будучыні“. Парламентарыі праз сваю дэлегацыю ў Парламенцкай асамблеі Савета Еўропы “абавязаліся падтрымліваць палітычны дыялог з апазіцыйнымі сіламі, а таксама з праваабаронцамі, незалежнымі СМІ і грамадзянскай супольнасцю Беларусі“. ✅ Падрабязнасці 🗝 Без VPN 📷 Святлана Ціханоўская і яе галоўны дарадца Франак Вячорка ў парламенце Люксембурга. Фота: chd.lu