Лукашэнка заявіў міністру абароны РФ, што на фоне выканання ўсіх абавязацельстваў перад Масквой у Беларусі няма ворагаў на Захадзе У Мінска і Масквы ёсць “нямала пытанняў [у вайсковай сферы], якія неабходна абмеркаваць“. Пра гэта заявіў Аляксандр Лукашэнка 22 кастрычніка на сустрэчы ў Мінску з міністрам абароны Расіі Андрэем Белавусавым. “Усе нашыя абавязацельствы з расійскага боку для Беларусі, з боку Беларусі да Расіі мы выконваем. Нашы праціўнікі (ворагаў пакуль, напэўна, у нас тут асабліва няма на Захадзе) пра гэта ведаюць, яны ж бачаць“, — цытуе палітыка яго прэс-служба. Лукашэнка падзякаваў Расіі за падтрымку сумеснай групоўкі, сфарміраванай у рамках АДКБ на заходнім напрамку. Паводле яго слоў, беларускае войска “выконвае сваю ролю”. Ён лічыць, што ў Масквы няма прычын перажываць з нагоды абавязацельстваў Мінска “па ахове межаў Саюзнай дзяржавы”. ✅ Падрабязнасці 🗝 Без VPN 📷 стоп-кадр: "Позірк"