Павел Латушка "глыбока расчараваны" тым, што прэзідэнт Славакіі прыняў граматы ў амбасадара рэжыму Лукашэнкі Намеснік кіраўніка Аб’яднанага пераходнага кабінета і кіраўнік Народнага антыкрызіснага ўпраўлення Павел Латушка заявіў пра "глыбокае расчараванне" фактам прыняцця прэзідэнтам Славакіі Петарам Пелегрыні даверчых лістоў у амбасадара рэжыму Лукашэнкі Ігара Фісенкі. "Для мяне як беларуса рукасцісканне з прадстаўніком міжнароднага злачынца непрымальнае", — падкрэсліў палітык. Латушка зазначыў, што ў той час, калі ў Беларусі працягваюцца беспрэцэдэнтныя рэпрэсіі, узнаўленне кантактаў з рэжымам супярэчыць дэмакратычным каштоўнасцям і прынцыпам ЕС. Ён выказаў спадзяванне, што Славакія не забудзе ўрокі сваёй недаўняй гісторыі ў барацьбе з таталітарызмам. ✅ Падрабязнасці 🗝 Без VPN 📷 "Позірк"