"Для нас важна забяспечыць сістэмную падтрымку беларусаў" — Кучынскi Дыпламатычны дарадца Святланы Ціханоўскай Дзяніс Кучынскі правёў у Варшаве сустрэчы з кіраўніком палітычнага кабінета прэм'ер-міністра Паўлам Грасем і намеснікам дырэктара бюро міжнароднай палітыкі канцылярыі прэзідэнта Себасцьянам Клецікам. Як паведамляе прэс-служба Ціханоўскай, на сустрэчы з Грасем Кучынскі ўзняў пытанні атрымання беларусамі відаў на жыхарства, праязных дакументаў і міжнароднай абароны. На сустрэчы з Клецікам бакі абмеркавалі сумесныя праекты і мерапрыемствы, прысвечаныя "агульнай гістарычнай спадчыне Рэчы Паспалітай". "Польшча была і застаецца адным з найбольш надзейных і паслядоўных саюзнікаў дэмакратычнай Беларусі. Для нас важна забяспечыць сістэмную падтрымку беларусаў, якія праз рэпрэсіі былі вымушаныя пакінуць радзіму і знайсці прытулак у Польшчы", — адзначыў Кучынскі. ✅ Падрабязнасці 🗝 Без VPN 📷 (ілюстрацыйнае) Natalia Gasiorowska / unsplash.com