Ціханоўская абмеркавала з рэктарам ЕГУ падтрымку беларускіх студэнтаў і будучыню ўніверсітэта Падтрымку беларускіх студэнтаў і будучыню Еўрапейскага гуманітарнага ўніверсітэта абмеркавала ў Варшаве дэмакратычны лідар Святлана Ціханоўская на першай сустрэчы з рэктарам ВНУ Вілюсам Шадаўскасам (на пасадзе са студзеня 2025 года), паведамляе яе прэс-служба. Палітык падкрэсліла, што ЕГУ — вялікі набытак і каштоўнасць для беларускага грамадства і яго неабходна захаваць як беларускі ўніверсітэт у еўрапейскай адукацыйнай прасторы, зберагчы яго беларускую місію і фокус. Бакі абмеркавалі развіццё беларускіх праграм у межах універсітэта, выкладанне беларускай мовы, большае ўключэнне беларусаў у працэс прыняцця рашэнняў, а таксама правядзенне ў найбліжэйшы час кансультацый пра будучыню універсітэта з прадстаўнікамі беларускай грамадзянскай і акадэмічнай супольнасці. ✅ Падрабязнасці 🗝 Без VPN 📷 Офіс Святланы Ціханоўскай