👁🗨 Ад невядомай капліцы XVII стагоддзя да трэпанацыі чэрапа і драўлянага посуду XI стагоддзя — беларускія археолагі працягваюць знаходзіць унікальныя артэфакты. Сярод апошніх адкрыццяў — падмуркі вежаў замка Льва Сапегі ў Ружанах, а таксама бязвесная капліца-склеп у Талачынскім раёне, пра якую няма ніводнай згадкі на старых картах. Аднак пакуль адны навукоўцы выцягваюць з-пад зямлі сляды мінулага, у краіне працягваецца працэс страты ўжо вядомай архітэктурнай спадчыны. У 2025–2026 гадах у Мінску знеслі корпус бальніцы 1930-х гадоў, у Вялікай Бераставіцы — пастаялы двор XIX стагоддзя, а ў Дзікушках абрынулася шляхецкая сядзіба. Чаму навуковыя адкрыцці адбываюцца на фоне разбурэння помнікаў, як замяняюць навуковую рэстаўрацыю на новабуды (як гэта адбылося з капліцай у Расле) і што пра стан спадчыны кажуць лічбы — распавядае ў матэрыяле для @pozirkonline Цалак Кахян. 🗝 Без VPN #эксплэйнер_Позірку