Палітвязня Ціхана Осіпава трэці раз будуць судзіць за “злоснае непадпарадкаванне адміністрацыі калоніі” Аб гэтым праваабарончаму цэнтру “Вясна” паведаміла былая палітзняволеная Антаніна Канавалава. З яе слоў стала вядома, што справа распачатая 9 кастрычніка. Осіпаў знаходзіцца за кратамі з 14 жніўня 2020 года. У зняволенні ў яго ўзніклі сур’ёзныя праблемы са здароўем. Цяпер ён утрымліваецца ў штрафным ізалятары ваўкавыскай калоніі № 11 (Гродзенская вобласць). У 2021 годзе Осіпава асудзілі на 11 гадоў калоніі за нібыта наезд на вайскоўцаў падчас пратэстаў 2020 года, "масавыя беспарадкі" і "ілжывы данос". Пазней адміністрацыя калоніі двойчы дамагалася павелічэння тэрміну паводле артыкула пра "непадпарадкаванне" (арт. 411 КК): у 2022 годзе яму дадалі 7 месяцаў і змянілі рэжым на строгі, а ў сакавіку 2026 года — яшчэ 1,5 года. Агулам праваабаронцы налічваюць ужо больш за 13 гадоў пазбаўлення волі. ✅ Падрабязнасці 🗝 Без VPN 📷 "Вясна"