☝️ "Аналітыка ад Позірку". Беларуская эканоміка працягвае расці, але за станоўчымі лічбамі ўсё цяжэй разглядзець трывалую аснову. Запаволенне расійскай эканомікі, слабасць апрацоўчай прамысловасці і залежнасць ад часовых фактараў ставяць пад пытанне ўстойлівасць цяперашняга росту. На першы погляд, рознічны гандаль расце, будаўніцтва развіваецца, а прамысловасць нават выйшла ў невялікі плюс. Але за гэтымі вынікамі хаваюцца скарачэнне вытворчасці ў апрацоўчым сектары, зніжэнне аб’ёмаў жыллёвага будаўніцтва і залежнасць асобных галін ад разавых імпульсаў. Чаму цяперашні рост яшчэ не азначае ўмацавання беларускай эканомікі, як доўга могуць працаваць яе сённяшнія драйверы і чаму скарачэнне даступнай статыстыкі ўскладняе ацэнку рэальнага становішча спраў — тлумачыць у сваім матэрыяле для @pozirkonline эканаміст Алесь Гудзія. 🗝 Без VPN #аналітыка_позірку