Ціханоўская на канферэнцыі АБСЕ: Сёлета дэмсілы і іх партнёры дапамаглі прадухіліць выдачу ў Беларусь прынамсі 15 чалавек Яна падкрэсліла, што ахвярамі становяцца не толькі вядомыя палітыкі — удзел студэнта або валанцёра ў акцыі салідарнасці за мяжой можа стаць падставай для ціску на яго сям'ю. "Можна ўцячы з Беларусі — але КДБ усё яшчэ можа пераследаваць вашых бацькоў, канфіскаваць вашу кватэру і завочна прысудзіць вам 15 гадоў зняволення", — сказала яна. Ціханоўская заклікала дэмакратычныя дзяржавы выдаваць беларусам праязныя дакументы і пашпарты іншаземца, прызнаваць пратэрмінаваныя пашпарты. Яна таксама заклікала АБСЕ абараняць журналістаў у выгнанні і прапанавала сістэмна дакументаваць транснацыянальныя рэпрэсіі і ўводзіць санкцыі супраць адказных. ✅ Падрабязнасці 🗝 Без VPN 📷 Прэс-служба Святланы Ціханоўскай