Ціханоўская: ніхто не павінен выходзіць з турмы, каб сутыкнуцца з новым пераследам Лідар дэмакратычных сіл Святлана Ціханоўская заявіла, што для доўгатэрміновых зменаў у Беларусі неабходна спыніць новыя арышты і палітычныя пераследы, адмяніць несправядлівыя прысуды і аднавіць правы людзей. Так яна пракаментавала новыя звесткі праваабарончага цэнтра "Вясна" пра рэпрэсіі. Паводле Ціханоўскай, не менш за 66 палітвязняў пасля вызвалення зноў апынуліся за кратамі па новых крымінальных абвінавачаннях. Былыя зняволеныя сутыкаюцца са сачэннем, абмежаваннямі ў працаўладкаванні і банкаўскіх аперацыях, а ціск таксама аказваецца на іх сем’і. Паводле "Вясны", 98 чалавек было асуджана па новых крымінальных справах і вызвалена. З прыкладна 900 датэрмінова вызваленых палітвязняў 234 было вывезена з Беларусі. "Ніхто не павінен выходзіць з турмы толькі для таго, каб сутыкнуцца з новым прысудам, вымушанай эміграцыяй або працягам пераследу", — заявіла Ціханоўская. ✅ Падрабязнасці 🗝 Без VPN 📷 "Позірк"