Кучынскі абмеркаваў з парламентарыямі з Іспаніі праблемы легалізацыі беларусаў у гэтай краіне Прэс-служба дэмакратычнага лідара паведаміла 1 кастрычніка, што сустрэча адбылася ў літоўскай сталіцы. “Кучынскі звярнуў увагу на праблему атрымання трэвэл-дакументаў для беларусаў, якія не могуць бяспечна вярнуцца ў краіну. Таксама заклікаў Іспанію не патрабаваць даведкі з Беларусі для легалізацыі і шукаць больш гнуткія і бяспечныя рашэнні”, — гаворыцца ў паведамленні. Бакі таксама абмеркавалі парламенцкую супрацу. Дарадца Святланы Ціханоўскай па дыпламатычных пытаннях прапанаваў “развіваць прамыя сувязі”, стварыць у Кангрэсе дэпутатаў “групу сяброў дэмакратычнай Беларусі” па аналогіі з той, што ўжо дзейнічае ў Сенаце Іспаніі. Акрамя таго, іспанскім парламентарыям было прапанавана “браць патранаж над беларускімі палітычнымі вязнямі, пісаць ім, публічна ўздымаць іх справы і падтрымліваць сем’і рэпрэсаваных”. ✅ Падрабязнасцi 🗝 Без VPN 📷 Тэлеграм-канал Святланы Ціханоўскай