НАУ: транзіт беларускага калію праз Балтыю застаецца немагчымым нават са зменай уласніка Змена ўласніка ці амерыканская юрысдыкцыя пакупніка не дазволяць аднавіць транзіт беларускіх калійных угнаенняў праз парты і чыгункі краін Балтыі. Да такой высновы прыйшлі юрысты Народнага антыкрызіснага ўпраўлення (НАУ), прааналізаваўшы санкцыйнае заканадаўства ЕС. Эксперты тлумачаць, што еўрапейская забарона на транзіт дзейнічае незалежна ад канчатковага пункта прызначэння, калі ў лагістыцы задзейнічаны хоць бы ўскосны еўрапейскі аператар (банк, страхавік ці перавозчык). Спробы абысці забарону праз продажы ўнутры Беларусі ці маніпуляцыі з гандлёвымі ўмовамі юрыдычна нікчэмныя, бо калій застаецца падсанкцыйным таварам беларускага паходжання, а за прыём такіх грузаў еўрапейскім кампаніям пагражае крымінальная адказнасць. Адкрыць транзітны калідор магло б толькі прамое палітычнае рашэнне ўсяго ЕС са змяненнем рэгламентаў. ✅ Падрабязнасці 🗝 Без VPN 📷 belaruskali.by