Рыжанкоў абмеркаваў з кіраўніком МЗС Непала прыцягненне з гэтай краіны ў Беларусь працоўных мігрантаў Аб сустрэчы міністра замежных спраў Максіма Рыжанкова з калегам з Непала Шышырам Ханалам паведамляе Беларускае знешнепалітычнае ведамства. Сустрэча прайшла на палях 81-й сесіі Генеральнай Асамблеі ААН у Нью-Ёрку. Падчас перамоваў, як заяўляецца, бакі “надалі асаблівую ўвагу стварэнню дзейснага механізму арганізаванага прыцягнення грамадзян Непала для працаўладкавання ў Беларусі, які прадугледжвае абарону іх працоўных і сацыяльных правоў, а таксама забеспячэнне бяспекі”. “Суразмоўцы дасягнулі дамоўленасці аб правядзенні міжведамасных кансультацый па гэтым пытанні пры каардынацыі міністэрстваў замежных спраў дзвюх краін”, — адзначае МЗС. ✅ Падрабязнасці 🗝 Без VPN 📷 МЗС