Паліцыя Арменіі адпусціла Льва Міхеева на волю Праваабаронца Раман Кісляк паведаміў, што Беларускі палітэмігрант Леў Міхееў, затрыманы армянскай паліцыяй пасля прымусовай высылкі з Грузіі, адпушчаны на волю. “Перадаў, што бадзёры, у добрым настроі і ўдзячны ўсім за падтрымку“, — сказаў ён. Аб’яднаны пераходны кабінет паведаміў, што да вырашэння праблемы далучыліся беларускія праваабаронцы ў Грузіі і Арменіі, юрысты Офіса Святланы Ціханоўскай, мясцовыя актывісты. ☝️Міхееў пяць гадоў дамагаўся ў Грузіі палітычнага прытулку. У Арменіі ён быў затрыманы на запыт беларускіх уладаў. Беларусь і Арменія падлучаныя да базы вышуку ў рамках СНД. Ерэван, які ўзяў курс на збліжэнне з Еўрасаюзам, не выдае замежных грамадзян, якія пераследуюцца з палітычных матываў. ✅ Падрабязнасці 🗝 Без VPN 📷 "Позірк"