МЗС Польшчы: умова для змястоўнага дыялогу з Мінскам — поўнае спыненне агрэсіўных дзеянняў Пра гэта заявіў намеснік міністра замежных спраў Польшчы Марцін Басацкі ў інтэрв'ю ўкраінамоўнаму польскаму выданню Slawa TV. Паводле яго слоў, ужо некалькі месяцаў назіраецца зніжэнне агрэсіўнасці ў жэстах і дзеяннях Беларусі ў дачыненні да суседніх краін. Сярод такіх крокаў дыпламат назваў вызваленне палітвязняў — агулам каля 800 станам на 23 верасня (пры гэтым у зняволенні застаюцца яшчэ некалькі соцень чалавек). Таксама Басацкі адзначыў значнае зніжэнне гібрыднага ціску на мяжы. Паводле яго ацэнкі, міграцыйны ціск, які штучна ініцыявалі беларускія спецслужбы з вясны 2021 года, цяпер знізіўся да ўзроўню некалькіх працэнтаў ад паказчыкаў папярэдніх гадоў. Эфектам гэтага стаў пачатак дыялогу, сімвалам якога стала сустрэча міністраў замежных спраў Радаслава Сікорскага і Максіма Рыжанкова 22 верасня ў Нью-Ёрку падчас Генасамблеі ААН. ✅ Падрабязнасці 🗝 Без VPN 📷 МЗС Польшчы