Мінінфарм Беларусі абвінаваціў Латвію ў цэнзуры праз абмежаванне "Радыё Беларусь" У беларускім ведамстве заявілі, што рашэнне латвійскіх уладаў з'яўляецца "непрыхаваным жаданнем не дапусціць распаўсюджванне аб'ектыўнай і дакладнай інфармацыі". "Відавочна, што ўвядзенне цэнзуры супраць непажаданых медыя, у тым ліку замежных, стала фірмовым стылем працы афіцыйных уладаў Латвіі", — заявіў Мінінфарм. Латвійскі бок тлумачыць, што мае права абмяжоўваць доступ да сайтаў, калі яны пагражаюць або могуць пагражаць нацыянальнай бяспецы, грамадскаму парадку і бяспецы, а таксама ў іншых прадугледжаных законам выпадках. "Радыё Беларусь" уваходзіць у структуру Белтэлерадыёкампаніі. У латвійскім спісе абмежаванага доступу таксама знаходзяцца іншыя беларускія дзяржаўныя медыя, у тым ліку БелТА, АНТ, Belarus 24 і "СБ. Беларусь сегодня". ✅ Падрабязнасці 🗝 Без VPN 📷 "Яндекс"