Лукашэнка зноў канстатаваў зніжэнне аб'ёмаў гандлю з Пакістанам На сустрэчы са старшынёй Сената Пакістана Саідам Юсуфам Разой Гілані ў Мінску ён зноў канстатаваў зніжэнне аб'ёмаў гандлю паміж краінамі: "Мы апошнім часам пачалі зніжаць гандаль паміж дзвюма дзяржавамі, — цытуе спікера яго прэс-служба. — Шмат у чым гэта залежыць ад той плацежнай інфраструктуры, якая сёння існуе. З нашага боку ніякіх праблем, затрымак тут няма [у плане правядзення плацяжоў]. Думаю і спадзяюся, што пасля вашага візіту да нас будуць урэгуляваныя гэтыя пытанні і з пакістанскага боку". Лукашэнка папрасіў кіраўніка верхняй палаты парламента Пакістана садзейнічаць правядзенню "сур'ёзнай рэвізіі" стасункаў паміж краінамі ў рамках міжурадавай камісіі. Ён таксама заявіў, што ўзровень палітычнага і парламенцкага ўзаемадзеяння "відавочна не адпавядае" эканамічнаму ўзроўню. ✅ Падрабязнасці 🗝 Без VPN 📷 hunzaexplorers.com