Краіны ЕС не дазволяць беларускім калійным угнаенням праходзіць праз іх тэрыторыю — Ціханоўская "Мой пасыл заключаецца ў тым, што цяпер не час гандляваць з дыктатарамі", — заявіла ў інтэрв'ю Deutsche Welle дэмлідар Беларусі Святлана Ціханоўская, каментуючы намеры Вашынгтона закупляць у краіне калійныя ўгнаенні. Палітык нагадала пра "цвёрдую і прынцыповую пазіцыю Еўрапейскага саюза", краіны якога "не дазволяць беларускім калійным угнаенням праходзіць праз іх тэрыторыю" пасля іх закупкі Злучанымі Штатамі. "Я бачу, наколькі для [спецпасланніка прэзідэнта ЗША] Джона Коўла важна вызваліць усіх палітвязняў, але цяпер не час уступаць у адносіны з Лукашэнкам, таму што ён ізгой, ён рэпрэсуе ўласны народ, ён таксама дапамагае Расіі ў вайне супраць Украіны", — дадала яна. ✅ Падрабязнасці 🗝 Без VPN 📷 Відэа: DW / стоп-кадр: "Позірк"