Бабарыка падзякаваў кіраўніку МЗС Польшчы за сустрэчу з Рыжанковым у Нью-Ёрку Падзяку кіраўніку МЗС Польшчы Радаславу Сікорскаму за сустрэчу з міністрам замежных спраў Беларусі Максімам Рыжанковым, "нягледзячы на сённяшнія няпростыя абставіны", выказаў былы палітвязень, прэтэндэнт у прэзідэнты ў 2020 годзе Віктар Бабарыка. "Любая магчымасць для дыялогу важная, калі яна можа спрыяць паляпшэнню cтасункаў на карысць людзей Польшчы і Беларусі", — лічыць ён. З іншага боку, намкіраўніка Аб'яднанага пераходнага кабінета Павел Латушка ў каментары "Позірку" адзначыў, што цяпер няма перадумоў, каб адбываліся "двухбаковыя візіты рабочага або тым больш афіцыйнага характару паміж Польшчай і Беларуссю". ☝️Сікорскі сустрэўся з Рыжанковым учора ў Нью-Ёрку на палях Генеральнай асамблеі ААН. Польскі міністр назваў сустрэчу "азнаямленчай". ✅ Падрабязнасці 🗝 Без VPN 📷 Максім Рыжанкоў і Радаслаў Сікорскі ў Нью-Ёрку. Фота: МЗС Беларусі