Рассельгаснагляд вярнуў у Беларусь 800 кг мясных вырабаў У ноч на 18 верасня ў Бранскай вобласці спынена чарговая спроба незаконнага ўвозу мясной прадукцыі з Беларусі, паведаміла 22 верасня Федэральная служба РФ па ветэрынарным і фітасанітарным наглядзе (Рассельгаснагляд). Адзначаецца, што расійскі перавозчык набыў гатовую мясную прадукцыю на адным з гомельскіх прадпрыемстваў, якое не ўнесена ў рэестр Мытнага саюза, які дае права на экспарт у Расію. “Небяспечная прадукцыя вернутая на сумежную тэрыторыю. Перавозчык прыцягнуты да адміністрацыйнай адказнасці. Падатковыя органы Расіі апавешчаныя пра яго дзейнасць“ — гаворыцца ў паведамленні. ☝️Ад пачатку года Рассельгаснагляд спыніў увоз больш як 24 т прадукцыі беларускіх прадпрыемстваў, якая перамяшчаецца без ветэрынарных суправаджальных дакументаў, у тым ліку абыходзячы афіцыйныя пункты ветэрынарнага кантролю. ✅ Падрабязнасці 🗝 Без VPN 📷 belarus24.by