Арменія не верне амбасадара ў Беларусь без тлумачэнняў або выбачэнняў Мінска Арменія будзе працягваць кансультацыі з адкліканым з Беларусі амбасадарам, пакуль Мінск не дасць тлумачэнняў або не выбачыцца за ранейшыя выказванні Аляксандра Лукашэнкі. Пра гэта заявіў спікер Нацыянальнага сходу Арменіі Рубен Рубінян. "Беларусь — краіна, якая ўваходзіць у АДКБ, гэта значыць у той жа абарончы саюз, што і мы", — адзначыў Рубінян. Паводле яго слоў, рашэнне адклікаць амбасадара было прынята пасля заявы Лукашэнкі пра тое, што Беларусь нібыта планавала 44-дзённую вайну разам з Азербайджанам. Яшчэ ў чэрвені 2024 года прэм’ер-міністр Арменіі Нікол Пашынян заявіў, што ні ён, ні іншыя афіцыйныя асобы краіны не будуць ездзіць у Беларусь, пакуль там ва ўладзе застаецца Лукашэнка. ✅ Падрабязнасці 🗝 Без VPN 📷 pixabay.com